Trau dich Literatur
Starke Gedichte // Kreative Kurzgeschichten // Alberne Glossen
Kurioses // Triviales // Furioses // Geniales




A U T O R E N   L E S E N   E I G E N E S





Willkommen     Start     Schreiben     Lesen     Termine     Autoren     Kontakt



Op und dal

copyright: © Jan Ladiges, August 2o13

     Op
     Hüt föhl ick mi boben op in een Tour,
     freu mi an de Schönheit vun de Notur,
     an`t Grön vun Gräser, Strüker, Bööm,
     ligg in de Sünn und drööm
     vun Schmetterlingen
     und Autos ut Sindelfingen.
     Deep entspannt,
     ans dörch Töver bannt.
     Obwohl ick opstohn will,
     ligg ick ganz still.
     Bün satt, tofreden und föhl mi fedderlicht.
     Ick hör de Vogels singen und hör de Autos nicht.

     Op eenmol kann de HSV Football speelen
     und höld dormit op, siene Anhängers to quälen.
     De Elvphilharmonie ist fertig und weer gor nicht düer.
     De Stoot verzicht op de Mehrwertstüer.
     De Bundesbohn
     föhrt no Fohrplon.
     Glückliche Kinner streevt dorno, Bildung to erlangen.
     Uli Hoeness will noch mol wedder vun vörn anfangen.
     De Erderwärmung ward doch nicht indropen,
     nu bün ick jo wohl doch inslopen.
     Hochschreckt und opwokt:
     Een Regenschuer hett mi natt mokt.

     Und dal
     Hüt geiht mi dat nicht so dull.
     Heff vun allns de Snut vull.
     Schimp op den Sünnsegen,
     brukt wi doch endlich Regen.
     Miene Nees ist pollenverstövt,
     falls sowat noch erlövt
     ist, hört dat jedenfalls verboden.
     vun wiedere Bööm, de wiedere Pollen
     afsondert, de wiedere verquollen -
     e Neesen produziert
     wat wiedere Minschen de Laune ruiniert.

     Wat dorbi rutkummt, kannst du sehn, schullst du mol vörn Wald stohn:
     Vör luuder Boom kannst nicht grodut gohn.
     Dat bringt doch nix in und veel sehn kannst ok nicht,
     de Schietdinger nemmt di nämlich dat Licht.
     Bi Störm fallt se üm und weest wi mol ehrlich:
     Dat ist nicht ganz ungefährlich!

     Denn sünd se Brutstätten vun steekende, suugende und bietende Insekten,
     de wiederüm Öberdräger sünd vun gefährliche Infekten.
     Dat ist ok jümmers desölbe Bande vun Kerfen,
     de een an Inschloopen hindert und nerven.
     Ick behaupt mol, unse Schloopbilanz
     hal ohne Bööm een ganz annern Glanz.
     So ist dat jedenfalls nicht so dull
     De Bood mit Mücken und de Nees mit Pollen vull.
     Obers egol
     Thema heet ``Op und dol´´:
     Also, dat Wetter ist jümmers genau verkehrt
     und dorto gifft dat noch vermehrt
     ünnerscheedliche Wetterextreme
     und de mokt`n Barg Probleme.
     Ick heff hier sowieso för jede Lösung een Problem,
     dat mokt den Ümgang mit mi unangenehm.
     För alle, de ans ick schmollen wöllt
     Und nicht weet, wann und worüm se dat schöllt:
     Mondag wör dat passen.


Dieser Text ist urheberrechtlich geschützt:
copyright © by: Jan Ladiges, 24. August 2o13.
Jede Weiterverbreitung oder Kopie, auch auszugsweise,
bedarf der schriftlichen Genehmigung des Autors.


Jan Ladiges

Dütt un dat op Platt


Weitere Texte von
Jan Ladiges:


Intro
Dödelkrom


Weitere Autoren: